Kis shahar na shohra hua nadani-e-dil ka,
Kis par na khula raaz pareshani-e-dil ka,
Aao karein mahfil pe zar-e-zakhm numayaa'n,
Charcha hai bahut be-sar-o-samani-e-dil ka,
Dekh aayen chalo ku-e-nigaraa'n ka kharaba,
Shayad koi mahram mile veerani-e-dil ka,
Poochho to udhar tileer-fagan kaun hai yaaro,
Saunpa tha jise kaam nigahbaani-e-dil ka,
Dekho to kidhar aaj rukh-e-baad-e-saba hai,
Kis raah se payaam aaya hai zindani-e-dil ka,
Utre the kabhi 'Faiz' wo aaina-e-dil mein,
Aalam hai wahi aaj bhi hairaani-e-dil ka.!!
"Faiz Ahmad Faiz"
No comments:
Post a Comment