Kisi ko kab wo apne dil ka kuchh ahwaal deta hai,
Main us se baat karta hun wo mujh ko taal deta hai,
Koi to hai jo is hairat-sara-e-noor-o-zulmat mein,
Sitare ko ziya aaine ko timsaal deta hai,
Bahut inkaar karta hai sawaal-e-wasl par lekin,
Khafa ho jaaun to gardan mein baanhein daal deta hai,
Koi chehron ka saudagar chhupa hai is kharabe mein,
Purani suratein le kar nayi ashkaal deta hai,
Main jis lamhe guzarte waqt ko mahsoos karta hun,
Wo ek lamha 'Farasat' ranj-e-maah-o-saal deta hai.!!
"Farasat Rizwi"
No comments:
Post a Comment