Khush hun ke zindagi ne koi kaam kar diya,
Mujh ko supurd-e-gardish-e-ayyaam kar diya,
Saaqi siyah-khana-e-hasti mein dekhna,
Raushan charagh kis ne sar-e-shaam kar diya,
Pahle mere khuloos ko dete rahe fareb,
Aakhir mere khuloos ko badnaam kar diya,
Kitni duaa'en dun teri zulf-e-daraaz ko,
Kitna wasi'e silsila-e-daam kar diya,
Wo chashm-e-mast kitni khabar-daar thi 'Adam',
Khud hosh mein rahi humein badnaam kar diya.!!
"Abdul Hameed Adam"
No comments:
Post a Comment