Khaali Hai Abhi Jaam Main Kuchh Soch Raha Hun

Khaali hai abhi jaam main kuchh soch raha hun,
Ai gardish-e-ayyaam main kuchh soch raha hun..

Saaqi tujhe ek thodi si takleef to hogi,
Saaghar ko zara thaam main kuchh soch raha hun..

Pahle badi raghbat thi tere naam se mujh ko,
Ab sun ke tera naam main kuchh soch raha hun..

Idraak abhi poora ta'awun nahin karta,
Dai baada-e-gulfaam main kuchh soch raha hun..

Hal kuchh to nikal aayega haalaat ki zid ka,
Ai kasrat-e-aalaam main kuchh soch raha hun..

Phir aaj 'Adam' shaam se ghamgeen hai tabiyat,
Phir aaj sar-e-shaam main kuchh soch raha hun.!!

"Abdul Hameed Adam"
__________

Idraak = perception, understanding,
Ta'awun = assistance, mutual aid or help,
Dai = name of tenth month of persian calender, winter,