Kab yaad mein tera saath nahin, kab haath mein tera haath nahin,
Sad-shukr ke apni raaton mein ab hijr ki koi raat nahin...
Mushkil hain agar haalat wahaan dil bech aayen jaan de aayen,
Dil waalo koocha-e-jaanaa mein kya aise bhi haalat nahin...
Jis dhaj se koi maqtal mein gaya wo shaan salamat rahti hai,
Ye jaan to aani jaani hai is jaan ki to koi baat nahin...
Maidaan-e-wafa darbaar nahin yaan naam-o-nasab ki poochh kahaan,
Aashiq to kisi ka naam nahin kuchh ishq kisi ki zaat nahin...
Gar baazi ishq ki baazi hai jo chaho laga do darr kaisa,
Gar jeet gaye to kya kahna haare bhi to baazi maat nahin..!!
"Faiz Ahmad Faiz"
No comments:
Post a Comment