Hum Par Tumhaari Chaah Ka Ilzaam Hi To Hai

Hum par tumhaari chaah ka ilzaam hi to hai,
Dushnaam to nahin hai ye ikraam hi to hai..

Karte hain jis pe ta'an koi jurm to nahin,
Shauq-e-fuzool o ulfat-e-nakaam hi to hai..

Dil muddai ke harf-e-malamat se shaad hai,
Ai jaan-e-jaan ye harf tera naam hi to hai..

Dil na-ummid to nahin nakaam hi to hai,
Lambi hai ghum ki shaam magar shaam hi to hai..

Dast-e-falak mein gardish-e-taqdeer to nahin,
Dast-e-falak mein gardish-e-ayyaam hi to hai..

Aakhir to ek roz karegi nazar wafa,
Wo yaar-e-khush-khisaal sar-e-baam hi to hai..

Bheegi hai raat 'Faiz' ghazal ibtida karo,
Waqt-e-sarod dard ka hangaam hi to hai.!!

"Faiz Ahmad Faiz"
__________

Ta'an = blame, reproach, taunt,
Muddai = appelant,
Harf-e-malamat = word of humiliation,
Yaar-e-khush-khisaal = beloved with a good qualities,
Waqt-e-sarod = time for music,
Hangaam = time, period, season, location,