Hum ne sab sheyr mein sanwaare the,
Hum se jitne sukhan tumhaare the,
Rang-o-khushbu ke husn-o-khoobi ke,
Tum se the jitne istiaare the,
Tere qaul-o-qaraar se pahle,
Apne kuchh aur bhi sahaare the,
Jab wo laal-o-gauhar hisaab kiye,
Jo tere ghum ne dil pe waare the,
Mere daaman mein aa gire saare,
Jitne tasht-e-falak mein taare the,
Umr-e-jaawed ki dua karte,
'Faiz' itne wo kab humare the.!!
"Faiz Ahmad Faiz"
___________
Tasht-e-falak = plate/bowl of sky,
Umr-e-jaawed = eternal life,
No comments:
Post a Comment