Garmi-e-shauq-e-nazara Ka Asar To Dekho

Garmi-e-shauq-e-nazara ka asar to dekho, 
Gul khile jaate hain wo saaya-e-tar to dekho..

Aise nadaan bhi na the jaan se guzarne waale,
Naaseho pand-garo rahguzar to dekho..

Wo to wo hai tumhein ho jaayegi ulfat mujh se,
Ek nazar tum mere mahboob-e-nazar to dekho,

Wo jo ab chaak garebaan bhi nahin karte hain,
Dekhne waalo kabhi un ka jigar to dekho..

Daaman-e-dard ko gulzaar bana rakkha hai,
Aao ek din dil-e-pur-khoon ka hunar to dekho,

Subah ki tarah jhamakta hai shab-e-ghum ka ufuq,
'Faiz' taabindagi-e-deeda-e-tar to dekho.!!

"Faiz Ahmad Faiz"
__________

Pand-garo = aphoristic, preachers,
Ufuq = horizon,
Taabindagi-e-deeda-e-tar = brightness of wet eyes,