Fasurdagi ka mudawa karen to kaise karen,
Wo log jo tere qurb-e-jamaal se bhi daren,
Ek aisi raah pe daala hai tere ghum ne ke hum,
Kisi bhi shakl ko dekhen to ruk ke aah bharen,
Ye kya ke be-sabab aaye qaza jawaani mein,
Ye kyun na ho ki tumhaari kisi ada pe maren,
Shab-e-alam ke bhi hote hain kuchh na kuchh aadaab,
Tadapne waale sahar tak to intizaar karen,
Us ek baat ke baad ab hazaar baat karo,
Ye dil ke zakhm hain yaro bharen bharen na bharen,
Suboot-e-ishq ki ye bhi to ek surat hai,
Ke jis se pyaar karen us pe tohmaten bhi dharen,
Kuchh aise dost bhi meri nigaah mein hain 'Qateel',
Ke mujh ko baaz rakhen jis se khud usi pe maren.!!
"Qateel Shifai"
No comments:
Post a Comment