Dukhon ke phool to hain zakhm to hai daagh to hai,
Hara-bhara mere seene mein koi baagh to hai..
Nahin hai wasl magar khwab-e-wasl bhi hai bahut,
Zara si der ghum-e-hijr se faraagh to hai..
Bahut ujaade sahi umr ki saraaye magar,
Shikasta taaq mein ek yaad ka charaagh to hai..
Main tishnagi ka gila kya karun ke surat-e-dil,
Lahu ki may se chhalakta hua ayaagh to hai..
Tu kho gaya hai mere shahar-e-raftagaan lekin,
Ye ek dard ki khushbu tera suraagh to hai.!!
"Farasat Rizwi"
No comments:
Post a Comment