Dil mein ab yun tere bhoole hue ghum aate hain,
Jaise bichhde hue kaabe mein sanam aate hain,
Ek ek kar ke hue jaate hain taare raushan,
Meri manzil ki taraf tere qadam aate hain,
Raqs-e-may tez karo saaz ki lay tez karo,
Su-e-may-khana safiraan-e-haram aate hain,
Kuchh humin ko nahin ahsaan uthane ka dimaagh,
Wo to jab aate hain maail-ba-karam aate hain,
Aur kuchh der na guzre shab-e-furqat se kaho,
Dil bhi kam dukhta hai wo yaad bhi kam aate hain..!!
"Faiz Ahmad Faiz"
__________
Safiraan-e-haram = ambassadors of Kaaba,
Maail-ba-karam = incline to kindness,
No comments:
Post a Comment