Daro Na Tum Ke Na Sun Le Kahin Khuda Meri

Daro na tum ke na sun le kahin khuda meri,
Ke ru-shanas-e-ijaabat nahin dua meri..

Wo tum ke tum ne jafa ki to kuchh bura na kiya,
Wo main ke zikr ke qaabil nahin wafa meri..

Chale bhi aao ke duniya se ja raha hai koi,
Suno ke phir na sunoge tum iltija meri..

Kuchh aisi yaas se hasrat se main ne dam toda,
Jigar ko thaam ke rah rah gayi qaza meri..

Khuda ne zahar ki taseer bakhsh di 'Faani',
Taras gayi thi asar ko bahut dua meri.!!

"Faani Badayuni"
__________

Ru-shanas-e-ijaabat = used to acceptance/answering of prayers,