Daastan-e-ghum-e-dil un ko sunaai na gayi,
Baat bigdi thi kuchh aisi ki banaai na gayi,
Sab ko hum bhool gaye josh-e-junoon mein lekin,
Ek teri yaad thi aisi jo bhulaai na gayi,
Ishq par kuchh na chala deeda-e-tar ka qaabu,
Us ne jo aag laga di wo bujhaai na gayi,
Pad gaya husn-e-rukh-e-yaar ka partaw jis par,
Khaak mein mil ke bhi us dil ki safaai na gayi,
Kya uthayegi saba khaak meri us dar se,
Ye qayamat to khud un se bhi uthaai na gayi..!!
"Jigar Muradabadi"
No comments:
Post a Comment