Apni marzi se kahaan apne safar ke hum hain,
Rukh hawaon ka jidhar ka hai udhar ke hum hain,
Pahle har cheez thi apni magar ab lagta hai,
Apne hi ghar mein kisi dusre ghar ke hum hain,
Waqt ke saath hai mitti ka safar sadiyon se,
Kis ko maloom kahaan ke hain kidhar ke hum hain,
Chalte rahte hain ke chalna hai musafir ka naseeb,
Sochte rahte hain kis rahguzar ke hum hain,
Hum wahaan hain jahaan kuchh bhi nahin rasta na dayaar,
Apne hi khoye hue shaam o sahar ke hum hain,
Gintiyon mein hi gine jaate hain har daur mein hum,
Har qalamkaar ki be-naam khabar ke hum hain.!!
"Nida Fazli"
No comments:
Post a Comment