Aks-e-khushbu hun bikhar ne se
na roke koi...
Aur bikhar jaaun to mujh ko
na sametey koi.
Kaanp uthti hun mein ye soch ke
tanhaai mein...
Mere chehre pe tera naam na
padh le koi.
Jis tarah khwaab mere ho gaye
reza reza...
Us tarah se na kabhi toot ke
bikhrey koi.
Mein to us din se hiraasa'n hun ke
jab hukm mile...
Khushk phoolon ko kitabon mein
na rakkhe koi.
Ab to is raah se wo shakhs guzarta
bhi nahin...
Ab kis ummeed pe darwaazey se
jhaankey koi.
Koi aahat koi aawaz koi chaap
nahin...
Dil ki galiyaa'n badi sunsaan hai
aaye koi..!!
- Parween Shakir
No comments:
Post a Comment