Agarche tujh se bahut ikhtilaaf
bhi na huaa
Magar ye dil teri jaanib se saaf
bhi na huaa...
Ta’lluqaat ke barzakh mein hi rakha
mujh ko
Wo mere haq mein na tha aur khilaaf
bhi n huaa...
Ajab tha jurm-e-muhabbat ke jis pe
dil ne mere
Saza bhi paai nahin aur muaaf
bhi na huaa...
Malaamato'n mein kahaan saans
le sakengey wo
Ke jin se koo-e-jafa ka tawaaf
bhi na huaa...
Ajab nahin hai ke dil par jami
mili kaaii
Bahut dilo'n se to ye hauz saaf
bhi n huaa...
Hawa-e-dahr hamein kis liye
bujhaati hai
Hamein to tujh se kabhi ikhtilaaf
bhi na huaa..!!
- Parween Shakir
No comments:
Post a Comment