Ai sanam der na kar anjuman-aara ho ja,
Meri dam todti nazron ka sahaara ho ja..
Apne daaman mein chhupa le mujhe mahboob mere,
Meri bigdi hui qismat ka sitara ho ja..
Ishq sachcha hai to phir rang-e-dui theek nahin,
Hum tere ho gaye ab tu bhi humara ho ja..
Mujh ko har waqt hai lazzat-e-deedar-e-sanam,
Meri nazron ke liye aisa sahaara ho ja..
Meri chahat ka do-alam mein bharam rah jaaye,
Tu mujhe meri mohabbat se pyara ho ja..
Us ko paana hai to kashti se kinara kar le,
Doob kar bahr-e-mohabbat ka kinara ho ja..
Hoon 'Fana' ishq mein tere tera kahlaata hun,
Meri taqdeer badal mera sahaara ho ja.!!
"Fana Bulandshahri"
No comments:
Post a Comment