Ab Bhala Chhod Ke Ghar Kya Kartey
Shaam Ke Waqt Safar Kya Kartey.....
Teri Masufiyatein Jantey Hain
Apne Aane Ki Khabar Kya Kartey.....
Jab Sitaarey Hi Nahi Mil Paaye
Le Ke Hum Shams-O-Qamar Kya Kartey...
Wo Musaafir Hi Khuli Dhuup Ka Tha
Saaye Phaila Ke Shajar Kya Kartey.....
Khaak Hi Awwal-O-Aakhir Thahri
Kar Ke Zarre Ko Guhar Kya Kartey.....
Raaye Pahley Se Bana Li Tu Ne
Dil Mai Ab Ham Tire Ghar Kya Kartey.....
Ishq Ne Saare Saleeqey Bakhshey
Husn Se Kasb-E-Hunar Kya Kartey...!!!
- Parween Shakir
No comments:
Post a Comment