Aap ki yaad aati rahi raat bhar,
Chandni dil dukhati rahi raat bhar,
Gaah jalti hui gaah bujhti hui,
Saham-e-ghum jhilmilati rahi raat bhar,
Koi khushbu badalti rahi pairahan,
Koi tasveer gaati rahi raat bhar,
Phir saba saya-e-shaakh-e-gul ke tale,
Koi qissa sunati rahi raat bhar,
Jo na aaya use koi zanjeer-e-dar,
Har sada par bulaati rahi raat bhar,
Ek ummid se dil bahalta raha,
Ek tamanna sataati rahi raat bhar.!!
"Faiz Ahmad Faiz"
No comments:
Post a Comment