Aaj Phir Rooh Mein Ek Barq Si Lahraati Hai

Aaj phir rooh mein ek barq si lahraati hai,
Dil ki gahraai se rone ki sada aati hai,

Yun chatakti hain kharabaat mein jaise kaliyan,
Tishnagi saaghar-e-labrez se takraati hai,

Shola-e-ghum ki lapak aur mera naazuk sa mizaaj,
Mujh ko fitrat ke rawayye pe hansi aati hai,

Maut ek amr-e-musallam hai to phir ai saaqi,
Rooh kyun zeest ke aalaam se ghabraati hai,

So bhi ja ai dil-e-majrooh bahut raat gayi,
Ab to rah rah ke sitaron ko bhi neend aati hai,

Aur to dil ko nahin hai koi takleef 'Adam',
Haan zara nabz kisi waqt thehar jaati hai.!!

"Abdul Hameed Adam"
__________

Amr-e-musallam = univesally accepted; complete; sound; preserved action; order; command; matter; point,
Dil-e-majrooh = bruised heart,