Yoon Na Tapka Tha Lahu Deeda-e-tar Se Pahle

Yoon na tapka tha lahu deeda-e-tar se pahle,
Dekhna aag lagi phir usi ghar se pahle,

Jaise jaise dar-e-dildaar qareeb aata hai,
Dil ye kahta hai ki pahunchun main nazar se pahle,

Naama-e-yaar padhun main abhi jaldi kya hai,
Naama-baar ko to laga loon main jigar se pahle,

Be-hijaabi jo sahi hai teri shokh aankhon ki,
Rasm parde ki uthegi isi ghar se pahle,

Ai 'Jaleel' aap bhi kis dhyaan mein hain khair to hai
Khwahish-e-qadr-e-hunar kasb-e-hunar se pahle..!!

"Jaleel Manikpuri"
___
Khwahish-e-qadr-e-hunar = desire for value of profession/craft,
Kasb-e-hunar = tool of a craft,