Zindagi dard bhi dawa bhi thi,
Hum-safar bhi gurez-pa bhi thi,
Kuchh to the dost bhi wafa-dushman,
Kuchh meri aankh mein haya bhi thi,
Din ka apna bhi shor tha lekin,
Shab ki aawaz be-sada bhi thi,
Ishq ne hum ko ghaib-daa'n kiya,
Yahi tohfa yahi saza bhi thi,
Gard-baad-e-wafa se pahle tak,
Sar pe khema bhi tha rida bhi thi,
Maa ki aankhein charagh thin jis mein,
Mere hum-raah wo dua bhi thi,
Kuchh to thi rahguzar mein sham-e-talab
Aur kuchh tez wo hawa bhi thi,
Bewafa to wo khair tha 'Amjad',
Lekin us mein kahin wafa bhi thi.!!
"Amjad Islam Amjad"
No comments:
Post a Comment