Teshe se koi kaam na farhaad se hua,
Jo kuchh hua wo ishq ki imdaad se hua,
Meri taraf jo zulf se phenka nikaal kar,
Aisa qusoor kya dil-e-nashaad se hua,
Apne khiraam-e-naaz ki un ko khabar nahin,
Kahte hain hashr teri hi fariyaad se hua,
Be-hukm yoon kisi ko satata nahin falak,
Mujh par ye zulm aap ke irshaad se hua,
'Bekhud' ki tarah kaun tumhein jaan de saka
Ye kaam ishq mein usi nashaad se hua.!!
"Bekhud Dehlvi"
No comments:
Post a Comment