Dil Chura Kar Nazar Churaai Hai

Dil chura kar nazar churaai hai,
Lut gaye lut gaye duhaai hai,

Ek din mil ke phir nahin milte,
Kis qayamat ki ye judaai hai,

Ai asar kar na intezaar-e-dua,
Maangna sakht be-hayaai hai,

Main yahaan hun wahaan hai dil mera,
Na-rasaai ajab rasaai hai,

Is tarah ahl-e-naaz naaz karein,
Bandagi hai ke ye khudaai hai,

Paani pi pi ke tauba karta hoon,
Paarsaai si paarsaai hai,

Waada karne ka ikhtiyaar raha,
Baat karne mein kya buraai hai,

Kab nikalta hai ab jigar se teer,
Ye bhi kya teri aashnaai hai,

'Dagh' un se dimaagh karte hain,
Nahin maloom kya samaai hai..!!

"Dagh Dehlvi"

دل چرا کر نظر چرائی ہے
لٹ گئے لٹ گئے دہائی ہے..

ایک دن مل کے پھر نہیں ملتے
کس قیامت کی یہ جدائی ہے..

اے اثر کر نہ انتظار دعا
مانگنا سخت بے حیائی ہے..

میں یہاں ہوں وہاں ہے دل میرا
نارسائی عجب رسائی ہے..

اس طرح اہل ناز ناز کریں
بندگی ہے کہ یہ خدائی ہے..

پانی پی پی کے توبہ کرتا ہوں
پارسائی سی پارسائی ہے..

وعدہ کرنے کا اختیار رہا
بات کرنے میں کیا برائی ہے..

کب نکلتا ہے اب جگر سے تیر
یہ بھی کیا تیری آشنائی ہے..

داغؔ ان سے دماغ کرتے ہیں
نہیں معلوم کیا سمائی ہے..