Dil Gaya Tum Ne Liya Hum Kya Karein

Dil gaya tum ne liya hum kya karein,
Jaane waali cheez ka ghum kya karein,

Hum ne mar kar hijr mein paai shifa,
Aise achchhon ka wo maatam kya karein,

Apne hi ghum se nahin milti najaat,
Is bina par fikr-e-aalam kya karein,

Ek saaghar par hai apni zindagi,
Rafta rafta is se bhi kam kya karein,

Kar chuke sab apni apni hikmatein,
Dam nikalta ho to hamdam kya karein,

Dil ne seekha shewa-e-begaanagi,
Aise na-mahram ko mahram kya karein,

Ma'arka hai aaj husn o ishq ka,
Dekhiye wo kya karein hum kya karein,

Aaina hai aur wo hain dekhiye,
Faisla dono'n ye baaham kya karein,

Aadmi hona bahut dushwaar hai,
Phir farishte hirs-e-aadam kya karein,

Tund-khuu hai kab sune wo dil ki baat,
Aur bhi barham ko barham kya karein,

Hyderabad aur langar yaad hai,
Ab ke dilli mein moharram kya karein,

Kahte hain ahl-e-sifaarish mujh se 'Dagh',
Teri qismat hai buri hum kya karein.!!

"Dagh Dehlvi"
_____________

Bina = foundation, basis, cause, without
बुनियाद,
Hikmatein = wisdoms, effects,
Shewa-e-begaanagi = habit of alienating/neglecting/ignoring,
Ma'arka = place or scene of battle or fight; field of battle; battle-ground; an ampitheatre (for gladiators or prize-fighters, strife, fight)
fight, strife,
Hirs-e-aadam = greed of Adam,
Tund-khuu = furious, fretful, passionate
तेज़-मिज़ाज,
____________________

دل گیا تم نے لیا ہم کیا کریں
جانے والی چیز کا غم کیا کریں..

ہم نے مر کر ہجر میں پائی شفا
ایسے اچھوں کا وہ ماتم کیا کریں..

اپنے ہی غم سے نہیں ملتی نجات
اس بنا پر فکر عالم کیا کریں..

ایک ساغر پر ہے اپنی زندگی
رفتہ رفتہ اس سے بھی کم کیا کریں..

کر چکے سب اپنی اپنی حکمتیں
دم نکلتا ہو تو ہمدم کیا کریں..

دل نے سیکھا شیوۂ بیگانگی
ایسے نامحرم کو محرم کیا کریں..

معرکہ ہے آج حسن و عشق کا
دیکھیے وہ کیا کریں ہم کیا کریں..

آئینہ ہے اور وہ ہیں دیکھیے
فیصلہ دونوں یہ باہم کیا کریں..

آدمی ہونا بہت دشوار ہے
پھر فرشتے حرص آدم کیا کریں..

تند خو ہے کب سنے وہ دل کی بات
اور بھی برہم کو برہم کیا کریں.. 

حیدرآباد اور لنگر یاد ہے
اب کے دلی میں محرم کیا کریں..

کہتے ہیں اہل سفارش مجھ سے داغؔ
تیری قسمت ہے بری ہم کیا کریں..