Abhi Humari Mohabbat Kisi Ko Kya Maloom

Abhi humari mohabbat kisi ko kya maloom,
Kisi ke dil ki haqeeqat kisi ko kya maloom,

Yaqeen to ye hai wo khat ka jawaab likkhenge,
Magar nawishta-e-qismat kisi ko kya maloom,

Ba-zaahir un ko haya-daar log samjhe hain,
Jaya mein jo hai sharaarat kisi ko kya maloom,

Qadam qadam pe tumhaare humare dil ki tarah,
Basi hui hai qayamat kisi ko kya maloom,

Ye ranj o aish hue hijr o wasl mein hum ko,
Kahaan hai dozakh o jannat kisi ko kya maloom,

Jo sakht baat sune dil to toot jaata hai,
Is aaine ki nazaakat kisi ko kya maloom,

Kiya karein wo sunane ko pyaar ki baatein,
Unhein hai mujh se adaawat kisi ko kya maloom,

Khuda kare na phanse daam-e-ishq mein koi,
Uthaai hai jo museebat kisi ko kya maloom,

Abhi to fitne hi barpa kiye hain aalam mein,
Uthaa'einge wo qayamat kisi ko kya maloom,

Janaab-e-'Dagh' ke mashrab ko hum se to poochho,
Chhupe hue hain ye hazrat kisi ko kya maloom.!!

"Dagh Dehlvi"
_____________

Nawishta-e-qismat = written in fate,
Mashrab = a reservoir of water,
____________________

ابھی ہماری محبت کسی کو کیا معلوم
کسی کے دل کی حقیقت کسی کو کیا معلوم..

یقیں تو یہ ہے وہ خط کا جواب لکھیں گے
مگر نوشتۂ قسمت کسی کو کیا معلوم..

بظاہر ان کو حیا دار لوگ سمجھے ہیں
حیا میں جو ہے شرارت کسی کو کیا معلوم..

قدم قدم پہ تمہارے ہمارے دل کی طرح
بسی ہوئی ہے قیامت کسی کو کیا معلوم..

یہ رنج و عیش ہوئے ہجر و وصل میں ہم کو
کہاں ہے دوزخ و جنت کسی کو کیا معلوم..

جو سخت بات سنے دل تو ٹوٹ جاتا ہے
اس آئینے کی نزاکت کسی کو کیا معلوم.. 

کیا کریں وہ سنانے کو پیار کی باتیں
انہیں ہے مجھ سے عداوت کسی کو کیا معلوم..

خدا کرے نہ پھنسے دام عشق میں کوئی
اٹھائی ہے جو مصیبت کسی کو کیا معلوم..

ابھی تو فتنے ہی برپا کئے ہیں عالم میں
اٹھائیں گے وہ قیامت کسی کو کیا معلوم..

جناب داغؔ کے مشرب کو ہم سے تو پوچھو
چھپے ہوئے ہیں یہ حضرت کسی کو کیا معلوم..