Khafa Hona Zara Si Baat Par Talwaar Ho Jaana

Khafa Hona Zara Si Baat Par Talwaar Ho Jaana,
Magar Phir Khud-Ba-Khud Wo Aap Ka Gulnaar Ho Jaana.!

Kisi Din Meri Ruswaai Ka Ye Kaaran Na Ban Jaaye,
Tumhaara Shahar Se Jana Mera Beemaar Ho Jaana.!

Wo Apna Jism Saara Saunp Dena Meri Aankhon Ko,
Mere Padh Ne Koshish Aap Ka Akhbaar Ho Jaana.!

Kabhi Jab Aandhiya'n Chalti Hain Hum Ko Yaad Aata Hai,
Hawa Ka Tez Chalna Aap Ka Deewaar Ho Jaana.!

Bahut Dushwaar Hai Mere Liye Us Ka Tasawwur Bhi,
Bahut Aasaan Hai Us Ke Liye Dushwaar Ho Jaana.!

Kisi Ki Yaad Aati Hai To Ye Bhi Yaad Aata Hai,
Kahin Chalne Ki Zidd Karna Mera Taiyaar Ho Jaana.!

Kahaani Ka Ye Hissa Ab Bhi Koi Khwaab Lagta Hai,
Tera Sar Par Bitha Lena Mera Dastaar Ho Jaana.!

Mohabbat Ek Na Ek Din Ye Hunar Tum Ko Sikha Degi,
Baghaawat Par Utarna Aur Khud-Mukhtaar Ho Jaana.!

Nazar Neechi Kiye Us Ka Guzarna Paas Se Mere,
Zara Si Der Rukna Phir Sabaa-raftaar Ho Jaana.!!

"Munawwar Rana"
____________________

خفا ہونا ذرا سی بات پر تلوار ہو جانا
مگر پھر خود بہ خود وہ آپ کا گلنار ہو جانا...

کسی دن میری رسوائی کا یہ کارن نہ بن جائے
تمہارا شہر سے جانا مرا بیمار ہو جانا...

وہ اپنا جسم سارا سونپ دینا میری آنکھوں کو
مری پڑھنے کی کوشش آپ کا اخبار ہو جانا... 

کبھی جب آندھیاں چلتی ہیں ہم کو یاد آتا ہے
ہوا کا تیز چلنا آپ کا دیوار ہو جانا...

بہت دشوار ہے میرے لیے اس کا تصور بھی
بہت آسان ہے اس کے لیے دشوار ہو جانا...

کسی کی یاد آتی ہے تو یہ بھی یاد آتا ہے
کہیں چلنے کی ضد کرنا مرا تیار ہو جانا...

کہانی کا یہ حصہ اب بھی کوئی خواب لگتا ہے
ترا سر پر بٹھا لینا مرا دستار ہو جانا...

محبت اک نہ اک دن یہ ہنر تم کو سکھا دے گی
بغاوت پر اترنا اور خود مختار ہو جانا...

نظر نیچی کیے اس کا گزرنا پاس سے میرے
ذرا سی دیر رکنا پھر صبا رفتار ہو جانا...