Khud Apne Hi Haathon Ka Likha Kaat Raha Hoon

Khud apne hi haathon ka likha kaat raha hoon,
Le dekh le duniya main pataa kaat raha hoon...

Ye baat mujhe der se maaloom hui hai,
Zindaan hai ye duniya main saza kaat raha hoon...

Duniya mere sajde ko ibaadat na samajhna,
Peshaani pe qismat ka likha kaat raha hoon...

Ab aap ki marzi hai ise jo bhi samajhiye,
Lekin main ishaare se hawa kaat raha hoon...

Tu ne jo saza di thi jawaani ke dinon mein,
Main umr ki chaukhat pe khada kaat raha hoon..!!

"Munawwar Rana"
____________________

خود اپنے ہی ہاتھوں کا لکھا کاٹ رہا ہوں
لے دیکھ لے دنیا میں پتا کاٹ رہا ہوں..

یہ بات مجھے دیر سے معلوم ہوئی ہے
زنداں ہے یہ دنیا میں سزا کاٹ رہا ہوں..

دنیا مرے سجدے کو عبادت نہ سمجھنا
پیشانی پہ قسمت کا لکھا کاٹ رہا ہوں..

اب آپ کی مرضی ہے اسے جو بھی سمجھئے
لیکن میں اشارے سے ہوا کاٹ رہا ہوں.. 

تو نے جو سزا دی تھی جوانی کے دنوں میں
میں عمر کی چوکھٹ پہ کھڑا کاٹ رہا ہوں..