Bahut muddat se aisa hai,
Ke tum khamosh rahte ho,
Koi gahra hai ghum shayed,
Jise chup chaap sahte ho,
Yoon hi chalte huye tanha,
Koi ghamgeen sa naghma,
Tum aksar gungunaate ho,
Doraan-e-guftguu joon hi,
Milaain nazron se jab nazren,
To baatain bhool jaate ho,
Kisi gumsum si haalat main,
Ya phir baarish ke mausam main,
Fakat itna hi kahte ho,
Udaasi be-wajah si hai,
Bohat bojhal tabiyat hai,
Bhala sach kyun nahin kehte,
Tumhein mujh se mohabbat hai,
Tumhein mujh se mohabbat hai..
______________________________
No comments:
Post a Comment