Baat Meri Kabhi Suni Hi Nahin

Baat meri kabhi suni hi nahin,
Jaante wo buri bhali hi nahin..

Dil-lagi un ki dil-lagi hi nahin,
Ranj bhi hai faqat hansi hi nahin..

Lutf-e-may tujh se kya kahun zahid,
Haaye kam-bakht tu ne pi hi nahin..

Ud gai yoon wafa zamaane se,
Kabhi goya kisi mein thi hi nahin..

Jaan kya doon ke jaanta hun main,
Tum ne ye cheez le ke di hi nahin..

Hum to dushman ko dost kar lete,
Par karein kya teri khushi hi nahin..

Hum teri aarzu pe jeete hain,
Ye nahin hai to zindagi hi nahin..

Dil-lagi dil-lagi nahin naaseh,
Tere dil ko abhi lagi hi nahin..

'Dagh' kyun tum ko bewafa kahta,
Wo shikayat ka aadmi hi nahin..!!

"Dagh Dehlvi"
_______________

بات میری کبھی سنی ہی نہیں
جانتے وہ بری بھلی ہی نہیں..

دل لگی ان کی دل لگی ہی نہیں
رنج بھی ہے فقط ہنسی ہی نہیں..

لطف مے تجھ سے کیا کہوں زاہد
ہائے کم بخت تو نے پی ہی نہیں..

اڑ گئی یوں وفا زمانے سے
کبھی گویا کسی میں تھی ہی نہیں.. 

جان کیا دوں کہ جانتا ہوں میں
تم نے یہ چیز لے کے دی ہی نہیں..

ہم تو دشمن کو دوست کر لیتے
پر کریں کیا تری خوشی ہی نہیں..

ہم تری آرزو پہ جیتے ہیں
یہ نہیں ہے تو زندگی ہی نہیں..

دل لگی دل لگی نہیں ناصح
تیرے دل کو ابھی لگی ہی نہیں..

داغؔ کیوں تم کو بے وفا کہتا
وہ شکایت کا آدمی ہی نہیں..