Main Khyaal Hoon Kisi Aur Ka

Main Khyaal Hoon Kisi Aur Ka, Mujhe Sochta Koi Aur Hai...
Sar-e-Aaina Mera Aks Hai, Pas-e-Aaina Koi Aur Hai...

Main Kisi Ke Dast-e-Talab Mein Hoon, Tu Kisi Ke Harf-e-Duaa Mein Hai...
Main Naseeb Hoon Kisi Aur Ka Mujhe Maangta Koi Aur Hai...

Ajab Aitebaar-o-Be'aitebaari Ke Darmiyaa'n Hai Zindagi...
Main Qareeb Hoon Kisi Aur Ke, Mujhe Jaanta Koi Aur Hai...

Meri Raushni Tere Khadd-o-khaal Se Mukhtalif To Nahi Magar...
Tu Qareeb Aa, Tujhe Dekh Loon, Tu Wahi Hai Ya Koi Aur Hai...

Tujhe Dushmano'n Ki Khabar Na Thi, Mujhe Dosto'n Ka Pata Nahi...
Teri Daastaa'n Koi Aur Thi, Mera Waaqiya Koi Aur Hai...

Wahi Munsifo'n Ki Riwaayatein, Wahi Faislo'n Ki Ibaaratein...
Mera Jurm To Koi Aur Tha, Pe Meri Saza Koi Aur Hai...

Kabhi Laut Aayen To Poochhna, Nahi Dekhna Unhein Ghaur Se...
Jinhein Raaste Mein Khabar Hui Ke Ye Raasta Koi Aur Hai...

Jo Meri Riyaazat Neem-Shab Ko Saleem Subah Na Mil Saki...
To Phir Is Ke Maani To Ye Huye Ke Yahaan Khuda Koi Aur Hai..!!

_ Saleem Kausar

میں خیال ہوں کسی اور کا مجھے سوچتا کوئی اور ہے
سر آئینہ مرا عکس ہے پس آئینہ کوئی اور ہے
میں کسی کے دست طلب میں ہوں تو کسی کے حرف دعا میں ہو
ںمیں نصیب ہوں کسی اور کا مجھے مانگتا کوئی اور ہے
عجب اعتبار و بے اعتباری کے درمیان ہے زندگی
میں قریب ہوں کسی اور کے مجھے جانتا کوئی اور ہے
مری روشنی ترے خد و خال سے مختلف تو نہیں مگر
تو قریب آ تجھے دیکھ لوں تو وہی ہے یا کوئی اور ہے
تجھے دشمنوں کی خبر نہ تھی مجھے دوستوں کا پتا نہیں
تری داستاں کوئی اور تھی مرا واقعہ کوئی اور ہے
وہی منصفوں کی روایتیں وہی فیصلوں کی عبارتیں
مرا جرم تو کوئی اور تھا پہ مری سزا کوئی اور ہے
کبھی لوٹ آئیں تو پوچھنا نہیں دیکھنا انہیں غور سے
جنہیں راستے میں خبر ہوئی کہ یہ راستہ کوئی اور ہے
جو مری ریاضت نیم شب کو سلیمؔ صبح نہ مل سکی
تو پھر اس کے معنی تو یہ ہوئے کہ یہاں خدا کوئی اور ہے..

سلیم کوثر