Us Bewafa Ka Shahar Hai

Us Bewafa Ka Shahar Hai, Aur Hum Hain Dosto'n,
Ashk-e-Rawaa'n Ki Nahar Hai, Aur Hum Hain Dosto'n...

Ye Ajnabi Si Manzilein Aur Raftagaa'n Ki Yaad,
Tanhaaiyo'n Ka Zahar Hai, Aur Hum Hain Dosto'n...

Laayi Hai Ab Uda Ke Gaye Mausamo'n Ki Baas,
Barkha Ki Rut Ka Qahar Hai, Aur Hum Hain Dosto'n...

Phirte Hain Misl-e-Mauj-e-Hawa Shahar Shahar Mein,
Aawaargi Ki Lahar Hai, Aur Hum Hain Dosto'n...

Shaam-e-Alam Dhali To Chali Dard Ki Hawa,
Raato'n Ka Pichhla Pahar Hai, Aur Hum Hain Dosto'n...

Aankho'n Mein Ud Rahi Hai Luti Mahfilo'n Ki Dhhool,
Ibrat Saraaye Dahar Hai, Aur Hum Hain Dosto'n..!!

_ Muneer Niyaazi

اُس بے وفا کا شہر ہے اور ہم ہیں دوستو،
اشکِ رواں کی نہر ھے اور ھم ھیں دوستو۔

یہ اجنبی سی منزلیں اور رفتگاں کی یاد،
تنہائیوں کا زہر ھے اور ھم ھیں دوستو۔

لائی ھے اب اڑا کے گئے موسموں کی باس،
برکھا کی رت کا قہر ھے اور ھم ھیں دوستو۔

پھرتے ھیں مثلِ موج ھوا شہر شہر میں،
آوارگی کی لہر ھے اور ھم ھیں دوستو۔

شامِ الم ڈھلی تو چلی درد کی ھوا،
راتوں کا پچھلا پہر ھے اور ھم ھیں دوستو۔

آنکھوں میں اڑ رہی ھے لٹی محفلوں کی دھول،
عبرت سرائے دہر ھے اور ھم ھیں دوستو۔

*مُنیرنیازی*