Kisi Ki Yaad Aati Hai To Ye Bhi Yaad Aata Hai

Kisi Ki Yaad Aati Hai To Ye Bhi Yaad Aata Hai,
Kahin Chalne Ki Zid Karna Mera Taiyaar Ho Jana,

Khafa Hona Zara Si Baat Par, Talwaar Ho Jana,
Magar Phir Khud-Ba-Khud Wo Aap Ka Gulnaar Ho Jana,

Kisi Din Meri Ruswaai Ka Ye Kaaran Na Ban Jaaye,
Tumhaara Shahar Se Jana, Mera Beemaar Ho Jana,

Wo Apna Jism Saara Saanp Dena Meri Aankhon Ko,
Meri Padhne Ki Kashish Aap Ka Akhbaar Ho Jana,

Kabhi Jab Aandhiya'n Chalti Hain Hum Ko Yaad Aata Hai,
Hawa Ka Tez Chalna Aap Ka Deewaar Ho Jana,

Bahut Dushwaar Hai Mere Liye Us Ka Tasawwur Bhi,
Bahut Aasaan Hai Us Ke Liye Dushwaar Ho Jana,

Khafa Hote Hi Us Ki Ajnabiyat Jaag Uthti Hai,
Jo Khush Hona To Phir Mere Gale Ka Haar Ho Jana,

Kisi Ki Yaad Aati Hai To Ye Bhi Yaad Aata Hai,
Kahin Chalne Ki Zid Karna Mera Taiyaar Ho Jana,

Kahaani Ka Ye Hissa Aaj Tak Ek Khwaab Lagta Hai,
Tera Sar Par Bitha Lena Mera Dastaar Ho Jana,

Mohabbat Ek Na Ek Din Ye Hunar Tum Ko Sikha Degi,
Baghaawat Par Utarna Aur Khud-Mukhtaar Ho Jana,

Nazar Neechi Kiye Us Ka Guzarna Paas Se Mere,
Zara Si Der Rukna Phir Sabaa Raftaar Ho Jana,

Kahin Aisa Na Ho Wo Kam-Sukhan Badnaam Ho Jaaye,
Suno Ab Aansuo'n Tum Bhi Zara Hoshiyaar Ho Jana..!!

"Munawwar Rana"
____________________

کسی کی یاد آتی ہے تو یہ بھی یاد آتا ہے
کہیں چلنے کی ضد کرنا مرا تیار ہو جانا

خفا ہونا ذرا سی بات پر تلوار ہو جانا
مگر پھر خودبخود وہ آپ کا گل نار ہو جانا

کسی دن میری رسوائی کا یہ کارن نہ بن جائے
تمہارا شہر سے جانا مرا بیمار ہو جانا

وہ اپنا جسم سارا سونپ دینا میری آنکھوں کو
مری پڑھنے کی کوشش آپ کا اخبار ہو جانا

کبھی جب آندھیاں چلتی ہیں ہم کو یاد آتا ہے
ہوا کا تیز چلنا آپ کا دیوار ہو جانا

بہت دشوار ہے میرے لیے اس کا تصور بھی
بہت آسان ہے اس کے لیے دشوار ہو جانا

خفا ہوتے ہی اس کی اجنبیت جاگ اٹھتی ہے
جو خوش ہونا تو پھر میرے گلے کا ہار ہو جانا

کسی کی یاد آتی ہے تو یہ بھی یاد آتا ہے
کہیں چلنے کی ضد کرنا مرا تیار ہو جانا

کہانی کا یہ حصہ آج تک اک خواب لگتا ہے
ترا سر پر بٹھا لینا مرا دستار ہو جانا

محبت اک نہ اک دن یہ ہنر تم کو سکھا دے گی
بغاوت پر اترنا اور خود مختار ہو جانا

نظر نیچی کئے اس کا گزرنا پاس سے میرے
ذرا سی دیر رکنا پھر صبا رفتار ہو جانا

کہیں ایسا نہ ہو وہ کم سخن بد نام ہو جائے
سنو اب آنسوؤ تم بھی ذرا ہوشیار ہو جانا..!!

منور رانا