Nam hain palken teri ai mauj-e-hawa
raat ke saath,
Kya tujhe bhi koi yaad aata hai
barsaat ke saath,
Roothne aur manaane ki hadein
milne lagi'n,
Chashm-poshi ke saleeqe the
shikaayaat ke saath,
Tujh ko kho kar bhi rahoon
khalvat-e-jaa'n mein teri,
Jeet paayi hai mohabbat ne ajab
maat ke saath,
neend laata hua phir aankh ko
dukh deta hua,
Tajrabe dono'n hain waabasta tere
haath ke saath,
Kabhi tanhaai se mahroom na
rakkha mujh ko,
Dost humdard rahe kitne meri
zaat ke saath..!!
- Parween Shakir
_______________
No comments:
Post a Comment