Ruki Hui Hai Abhi Tak Bahaar Aankhon Mein

Ruki hui hai abhi tak bahaar
aankhon mein,

Shab-e-wisaal ka jaise khumaar
aankhon mein,

Mita sakegi use gard-e-maah-o-saal
kahaan,

Khinchi hui hai jo tasweer-e-yaar
aankhon mein,

Bas ek shab ki masaafat thi aur
ab tak hai,

Maah-o-nujoom ka saara ghubaar
aankhon mein,

Hazaar saahib-e-rakhsh-e-sabaa-mizaaj
aaye,

Basa hua hai wahi shah-savaar
aankhon mein,

Wo ek tha pa kiya us ko jab
tah-e-talwaar,

To batt gaya wahi chehra hazaar
aankhon mein..!!

- Parween Shakir
___
Maah-o-nujoom = moon and stars,
Ghubaar = clouds of dust, fog,
धूल,
Saahib-e-rakhsh-e-sabaa-mizaaj = a person with the nature, habit,
Shah-savaar = horse rider,
Tah-e-talwaar = under the sword,

_______________