Sunday, November 26, 2017

Ab Is Shauq Se Ke Jaan Se Guzar Jana Chahiye

Ab is shauq se ke jaan se guzar jana chahiye,
Bol ai hawa-e-sheher kidhar jana chahiye,

Kab tak isi ko aakhri manzil kaheinge hum,
Koo-e-muraad se bhi udhar jana chahiye,

Woh waqt aa gaya hai ke saahil ko chhorh kar,
Gehre samandro'n main utar jana chahiye,

Ab raftagaa'n ki baat nahin kaarvaa'n ki hai,
Jis samt bhi ho gard-e-safar jaana chahiye,

Kuch to suboot-e-khoon-e-tamanna kahin mile,
Hai dil tahee to aankh ko bhar jaana chaahiye,

Ya apni khwaahisho'n ko muqaddass na
jaante,
Ya khwaahisho'n ke saath hi mar jaana chahiye..!!

_ Ahmad Faraz
___

Koo-e-muraad = lane of wish,
Raftagaa'n = those who are dead and gone,
Kaarwaa'n = Caravan, Large Company Of Pilgrims,
Suboot-e-khoon-e-tamanna = proof of murder of desire,
Muqaddas = holy, consecrated,
_______________

No comments:

Post a Comment

Ranj O Alam Ke Dhhol Baja Kar

Ranj-o-alam Ke Dhhol Baja Kar, Chahat Ka Kashkol Uthha Kar,  Dar Dar Phirna Theek Nahin Hai  Suno Mohabbat Bheekh Nahin Hai.! रन्ज-ओ-अलम के ...