Faraz Ab Koi Saudaa Koi Junoon Bhi Nahi

Faraz Ab Koi Saudaa Koi Junoon Bhi Nahi,
Magar Qaraar Se Din Kat Rahay Hon Yoon Bhi Nahi,

Lab-o-Dehan Mila Guftugoo Ka Fun Bhi Mila,
Magar Jo Dil Pe Guzarti Hai Keh Sakoon Bhi Nahi,

Na Jaanay Kyoon Meri Aankhain Barasnay Lagti Hain,
Jo Sach Kahoon To Kuch Aisa Udaas Hoon Bhi Nahi,

Meri Zubaa'n Ki Luknat Se Badgumaan Na Ho,
Jo Tu Kahay To Tujhe Umr Bhar Miloon Bhi Nahi,

Dukho'n Ke Dher Lagay Hain Ke Log Baithay Hain,
Is Dyaar Ka Mein Bhi Hoon Aur Hoon Bhi Nahi,

Faraz Jaisay Diya Qurbat-e-Hawaa Chaahay,
Wo Paas Aaye To Mumkin Hai Mein Rahoon Bhi Nahi..!!

_ Ahmad Faraz
_______________