Le Chala Jaan Meri Rooth Ke Jaana Tera

Le chala jaan meri rooth ke jaana tera..
Aise aane se to behtar tha na aana tera, 

Apne dil ko bhi bataaun na thikana tera..
Sab ne jaana jo pata ek ne jaana tera,

Tu jo ai zulf pareshaan raha karti hai..
Kis ke ujde hue dil mein hai thikana tera,

Aarzu hi na rahi subah-e-watan ki mujh ko..
Shaam-e-ghurbat hai ajab waqt suhana tera,

Ye samajh kar tujhe ai maut laga rakkha hai..
Kaam aata hai bure waqt mein aana tera, 

Ai dil-e-shefta mein aag lagane waale..
Rang laaya hai ye laakhe ka jamana tera,

Tu khuda to nahin ai naseh-e-nadaan mera..
Kya khata ki jo kaha main ne na maana tera,

Ranj kya wasl-e-adu ka jo ta'alluq hi nahin..
Mujh ko wallah hansata hai rulana tera,

Kaaba o dair mein ya chashm-o-dil-e-aashiq mein..
Inhin do-chaar gharon mein hai thikana tera,

Tark-e-aadat se mujhe neend nahin aane ki..
Kahin neecha na ho ai gor sirhana tera,

Main jo kahta hun uthaye hain bahut ranj-e-firaaq.
Wo ye kahte hain bada dil hai tawana tera,

Bazm-e-dushman se tujhe kaun utha sakta hai..
Ek qayamat ka uthana hai uthana tera,

Apni aankhon mein abhi kaund gayi bijli si..
Hum na samjhe ke ye aana hai ke jaana tera,

Yoon to kya aayega tu fart-e-nazakat se yahaan..
Sakht dushwaar hai dhokhe mein bhi aana tera,

'Dagh' ko yoon wo mitaate hain ye farmaate hain..
Tu badal daal hua naam purana tera.!!

"Dagh Dehlvi"
_______________

Dil-e-shefta = distracted with love, enamoured, mad heart,
Naseh-e-nadaan = foolish/innocent preacher,
Wasl-e-adu = union with enemy,
Gor = a tomb, grave,
Tawana = robust, strong, powerful, able,
Fart-e-nazakat = excess of delicate,
____________________

لے چلا جان مری روٹھ کے جانا تیرا
ایسے آنے سے تو بہتر تھا نہ آنا تیرا..

اپنے دل کو بھی بتاؤں نہ ٹھکانا تیرا
سب نے جانا جو پتا ایک نے جانا تیرا..

تو جو اے زلف پریشان رہا کرتی ہے
کس کے اجڑے ہوئے دل میں ہے ٹھکانا تیرا..

آرزو ہی نہ رہی صبح وطن کی مجھ کو
شام غربت ہے عجب وقت سہانا تیرا..

یہ سمجھ کر تجھے اے موت لگا رکھا ہے
کام آتا ہے برے وقت میں آنا تیرا..

اے دل شیفتہ میں آگ لگانے والے
رنگ لایا ہے یہ لاکھے کا جمانا تیرا..

تو خدا تو نہیں اے ناصح ناداں میرا
کیا خطا کی جو کہا میں نے نہ مانا تیرا..

رنج کیا وصل عدو کا جو تعلق ہی نہیں
مجھ کو واللہ ہنساتا ہے رلانا تیرا..

کعبہ و دیر میں یا چشم و دل عاشق میں
انہیں دو چار گھروں میں ہے ٹھکانا تیرا..

ترک عادت سے مجھے نیند نہیں آنے کی
کہیں نیچا نہ ہو اے گور سرہانا تیرا..

میں جو کہتا ہوں اٹھائے ہیں بہت رنج فراق
وہ یہ کہتے ہیں بڑا دل ہے توانا تیرا..

بزم دشمن سے تجھے کون اٹھا سکتا ہے
اک قیامت کا اٹھانا ہے اٹھانا تیرا..

اپنی آنکھوں میں ابھی کوند گئی بجلی سی
ہم نہ سمجھے کہ یہ آنا ہے کہ جانا تیرا..

یوں تو کیا آئے گا تو فرط نزاکت سے یہاں
سخت دشوار ہے دھوکے میں بھی آنا تیرا..

داغؔ کو یوں وہ مٹاتے ہیں یہ فرماتے ہیں
تو بدل ڈال ہوا نام پرانا تیرا..