Hangama-e-ghum Se Tang Aa Kar Izhaar-e-masarrat Kar Baithe

Hangama-e-ghum se tang aa kar izhaar-e-masarrat kar baithe,

Mashhoor thi apni zinda-dili daanista shararat kar baithe.!

Koshish to bahut ki hum ne magar paaya na ghum-e-hasti se mafar,

Veerani-e-dil jab had se badhi ghabra ke mohabbat kar baithe.!

Hasti ke talatum mein pinhaa'n the aish o tarab ke dhaare bhi,

Afsos humin se bhool hui ashko'n pe qana'at kar baithe.!

Zindaan-e-jahaan se ye nafrat ai hazrat-e-waaiz kya kahna,

Allah ke aage bas na chala bando'n se baghawat kar baithe.!

Gulchin ne to koshish kar daali sooni ho chaman ki har daali,

Kaanton ne mubarak kaam kiya phoolon ki hifazat kar baithe.!

Har cheez nahin hai markaz par ek zarra idhar ek zarra udhar,

Nafrat se na dekho dushman ko shayad wo mohabbat kar baithe.!

Allah to sab ki sunta hai jur'at hai 'Shakeel' apni apni,

'Haali' ne zabaan se uf bhi na ki 'Iqbaal' shikayat kar baithe.!!

"Shakeel Badayuni"
_______________

Mafar = escape/ run away,
Tarab = cheer, joy,
Qana'at = contentment,
____________________

ہنگامۂ غم سے تنگ آ کر اظہار مسرت کر بیٹھے
مشہور تھی اپنی زندہ دلی دانستہ شرارت کر بیٹھے..

کوشش تو بہت کی ہم نے مگر پایا نہ غم ہستی سے مفر
ویرانئ دل جب حد سے بڑھی گھبرا کے محبت کر بیٹھے..

ہستی کے تلاطم میں پنہاں تھے عیش و طرب کے دھارے بھی
افسوس ہمی سے بھول ہوئی اشکوں پہ قناعت کر بیٹھے..

زندان جہاں سے یہ نفرت اے حضرت واعظ کیا کہنا
اللہ کے آگے بس نہ چلا بندوں سے بغاوت کر بیٹھے..

گلچیں نے تو کوشش کر ڈالی سونی ہو چمن کی ہر ڈالی
کانٹوں نے مبارک کام کیا پھولوں کی حفاظت کر بیٹھے..

ہر چیز نہیں ہے مرکز پر اک ذرہ ادھر اک ذرہ ادھر
نفرت سے نہ دیکھو دشمن کو شاید وہ محبت کر بیٹھے..

اللہ تو سب کی سنتا ہے جرأت ہے شکیلؔ اپنی اپنی
حالیؔ نے زباں سے اف بھی نہ کی اقبالؔ شکایت کر بیٹھ..