Dil Wahi Dil Jise Nashaad Kiye Jaata Hun

Dil wahi dil jise nashaad kiye jaata hun,
Yaani rah rah ke unhein yaad kiye jaata hun..

Saii-e-zabt-e-ghum-e-bedaad kiye jaata hun,
Pukhta-tar ishq ki buniyaad kiye jaata hun..

Dil ko waqf-e-ghum-e-bedaad kiye jaata hun,
Apna ghar aap hi barbaad kiye jaata hun.. 

Ek wo hain ke taghaful se nahin un ko gurez,
Ek main hun ke unhein yaad kiye jaata hun

Kya ye kam zulm hai kuchh ghaur to kijiye dil mein,
Aap hanste hain main fariyaad kiye jaata hun..

Bhool kar ahd-e-guzishta ki hikayat 'Shakeel',
Dil ko har fikr se aazad kiye jaata hun.!!

"Shakeel Badayuni"
____________________

دل وہی دل جسے ناشاد کئے جاتا ہوں
یعنی رہ رہ کے انہیں یاد کئے جاتا ہوں..

سعئ ضبط غم بیداد کئے جاتا ہوں
پختہ تر عشق کی بنیاد کئے جاتا ہوں..

دل کو وقف غم بیداد کئے جاتا ہوں
اپنا گھر آپ ہی برباد کئے جاتا ہوں..

ایک وہ ہیں کہ تغافل سے نہیں ان کو گریز
ایک میں ہوں کہ انہیں یاد کئے جاتا ہوں..

کیا یہ کم ظلم ہے کچھ غور تو کیجے دل میں
آپ ہنستے ہیں میں فریاد کئے جاتا ہوں..

بھول کر عہد گزشتہ کی حکایات شکیلؔ
دل کو ہر فکر سے آزاد کئے جاتا ہوں..