Ab To Khushi Ka Ghum Hai Na Ghum Ki Khushi Mujhe

Ab to khushi ka ghum hai na ghum ki khushi mujhe,
Be-his bana chuki hai bahut zindagi mujhe..

Wo waqt bhi khuda na dikhaye kabhi mujhe,
Un ki nadamaton pe ho sharmindagi mujhe..

Rone pe apne un ko bhi afsurda dekh kar,
Yoon ban raha hun jaise ab aai hansi mujhe..

Yoin dijiye fareb-e-mohabbat ke umr bhar,
Main zindagi ko yaad karun zindagi mujhe..

Rakhna hai tishna-kaam to saaqi bas ek nazar,
Sairaab kar na de meri tishna-labi mujhe.. 

Paaya hai sab ne dil magar is dil ke bawajood,
Ek shay mili hai dil mein khatakti hui mujhe..

Raazi hon ya khafa hon wo jo kuchh bhi hon 'Shakeel',
Har haal mein qubool hai un ki khushi mujhe.!!

"Shakeel Badayuni"
____________________

اب تو خوشی کا غم ہے نہ غم کی خوشی مجھے
بے حس بنا چکی ہے بہت زندگی مجھے.. 

وہ وقت بھی خدا نہ دکھائے کبھی مجھے
ان کی ندامتوں پہ ہو شرمندگی مجھے..

رونے پہ اپنے ان کو بھی افسردہ دیکھ کر
یوں بن رہا ہوں جیسے اب آئی ہنسی مجھے.. 

یوں دیجئے فریب محبت کہ عمر بھر
میں زندگی کو یاد کروں زندگی مجھے..

رکھنا ہے تشنہ کام تو ساقی بس اک نظر
سیراب کر نہ دے مری تشنہ لبی مجھے..

پایا ہے سب نے دل مگر اس دل کے باوجود
اک شے ملی ہے دل میں کھٹکتی ہوئی مجھے..

راضی ہوں یا خفا ہوں وہ جو کچھ بھی ہوں شکیلؔ
ہر حال میں قبول ہے ان کی خوشی مجھے..