Un ki be-rukhi mein bhi iltifaat shaamil hai..
Aaj kal meri haalat dekhne ke qaabil hai.!
Qatl ho to mera sa maut ho to meri si..
Mere sogwaaron mein aaj mera qaatil hai.!
Har qadam pe nakaami har qadam pe mahroomi..
Ghaaliban koi dushman doston mein shaamil hai.!
Muztarib hain maujein kyun uth rahe hain tufaan kyun..
Kya kisi safeene ko aarzu-e-saahil hai.!
Sirf rahzan hi se kyun 'Ameer' shikwa ho..
Manzilon ki raahon mein rahbar bhi haail hai.!!
"Ameer Qazalbash"
__________
iltifaat = kindness/ attention,
No comments:
Post a Comment