Na jaane kyun mujhe us se hi khauf lagta hai,
Mere liye jo zamane ko chhod aaya hai...
Andheri shab ke hawaalon mein us ko rakkha hai,
Jo saare shahr ki neendein uda ke soya hai...
Rafaqaton ke safar mein to be-yaqeeni thi,
Ye faasla hai jo rishta banaye rakhta hai...
Wo khwab the jinhein hum mil ke dekh sakte the,
Ye baar-e-zeest hai tanha uthana padta hai...
Humein kitaabon mein kya dhundhne chale ho 'Waseem',
Jo hum ko padh nahin paaye unhin ne likkha hai.!!
"Waseem Barelwi"
No comments:
Post a Comment