Kabhi kabhi main ye sochta hun ke mujh ko teri talaash kyun hai..
Ke jab hain saare hi taar toote to saaz mein irtiaash kyun hai.!
Koi agar poochhta ye hum se batate hum gar to kya batate..
Bhala ho sab ka ke ye na poochha ke dil pe aisi kharaash kyun hai.!
Utha ke haathon se tum ne chhoda chalo na daanista tum ne toda..
Ab ulta hum se to ye na poochho ke shisha ye paash paash kyun hai.!
Ajab do-raahe pe zindagi hai kabhi hawas dil ko kheenchti hai..
Kabhi ye sharmindagi hai dil mein ke itni fikr-e-ma'ash kyun hai.!
Na fikr koi na justuju hai na khwab koi na aarzu hai..
Ye shakhs to kab ka mar chuka hai to be-kafan phir ye laash kyun hai.!!
"Jawed Akhtar"
_______________
Irtiaash = shivering,
Fikr-e-ma'ash = to be concerned about food, livelihood,
No comments:
Post a Comment