Jugnu Gauhar Charaagh Ujaale To De Gaya

Jugnu gauhar charaagh ujaale to de gaya,
Wo khud ko dhundhne ke hawaale to de gaya...

Ab is se badh ke kya ho wirasat faqeer ki, 
Bachchon ko apni bheek ke pyaale to de gaya...

Ab meri soch saaye ki surat hai us ke gird,
Main bujh ke apne chaand ko haale to de gaya...

Shayad ke fasl-e-sang-zani kuchh qareeb hai,
Wo khelne ko barf ke gaale to de gaya...

Ahl-e-talab pe us ke liye farz hai dua,
Khairaat mein wo chand niwaale to de gaya...

'Mohsin' use qaba ki zaroorat na thi magar,
Duniya ko roz-o-shab ke doshaale to de gaya.!!

"Mohsin Naqwi"
____________________

جگنو گہر چراغ اجالے تو دے گیا
وہ خود کو ڈھونڈنے کے حوالے تو دے گیا..

اب اس سے بڑھ کے کیا ہو وراثت فقیر کی
بچوں کو اپنی بھیک کے پیالے تو دے گیا..

اب میری سوچ سائے کی صورت ہے اس کے گرد
میں بجھ کے اپنے چاند کو ہالے تو دے گیا..

شاید کہ فصل سنگ زنی کچھ قریب ہے
وہ کھیلنے کو برف کے گالے تو دے گیا..

اہل طلب پہ اس کے لیے فرض ہے دعا
خیرات میں وہ چند نوالے تو دے گیا..

محسنؔ اسے قبا کی ضرورت نہ تھی مگر
دنیا کو روز و شب کے دوشالے تو دے گیا..