Jidhar jaate hain sab, jaana udhar achchha nahin lagta..
Mujhe pamaal raston ka safar achchha nahin lagta.!
Ghalat baaton ko khamoshi se sunna haami bhar lena..
Bahut hain fayede is mein magar achchha nahin lagta.!
Mujhe dushman se bhi khuddaari ki ummid rahti hai..
Kisi ka bhi ho sar qadmon mein sar achchha nahin lagta.!
Bulandi par unhein mitti ki khushbu tak nahin aati..
Ye wo shaakhein hain jin ko ab shajar achchha nahin lagta.!
Ye kyun baaqi rahe aatish-zano ye bhi jala daalo..
Ke sab be-ghar hon aur mera ho ghar achchha nahin lagta.!!
"Jawed Akhtar"
No comments:
Post a Comment