Jab Hijr Ke Shahr Mein Dhoop Utri Main Jaag Pada To Khwab Hua

Jab hijr ke shahr mein dhoop utri main jaag pada to khwab hua,

Meri soch khizaa'n ki shaakh bani tera chehra aur gulaab hua..

Barfeeli rut ki tez hawa kyun jheel mein kankar phenk gayi,

Ek aankh ki neend haraam hui ek chaand ka aks kharaab hua..

Tere hijr mein zehn pighalta tha tere qurb mein aankhein jalti hain,

Tujhe khona ek qayamat tha tera milna aur azaab hua..

Bhare shahr mein ek hi chehra tha jise aaj bhi galiyan dhundhti hain,

Kisi subah usi ki dhoop khili kisi raat wahi mahtaab hua..

Badi umr ke baad in aankhon mein koi abr utra teri yaadon ka,

Mere dil ki zameen aabaad hui mere ghum ka nagar shadaab hua..

Kabhi wasl mein 'Mohsin' dil toota kabhi hijr ki rut ne laaj rakhi,

Kisi jism mein aankhein kho baithe koi chehra khuli kitaab hua.!!

"Mohsin Naqwi"
____________________

جب ہجر کے شہر میں دھوپ اتری میں جاگ پڑا تو خواب ہوا،

مری سوچ خزاں کی شاخ بنی ترا چہرہ اور گلاب ہوا...

برفیلی رت کی تیز ہوا کیوں جھیل میں کنکر پھینک گئی،

اک آنکھ کی نیند حرام ہوئی اک چاند کا عکس خراب ہوا...

ترے ہجر میں ذہن پگھلتا تھا ترے قرب میں آنکھیں جلتی ہیں،

تجھے کھونا ایک قیامت تھا ترا ملنا اور عذاب ہوا...

بھرے شہر میں ایک ہی چہرہ تھا جسے آج بھی گلیاں ڈھونڈتی ہیں،

کسی صبح اسی کی دھوپ کھلی کسی رات وہی مہتاب ہوا...

بڑی عمر کے بعد ان آنکھوں میں کوئی ابر اترا تری یادوں کا،

مرے دل کی زمیں آباد ہوئی مرے غم کا نگر شاداب ہوا...

کبھی وصل میں محسنؔ دل ٹوٹا کبھی ہجر کی رت نے لاج رکھی،

کسی جسم میں آنکھیں کھو بیٹھے کوئی چہرہ کھلی کتاب ہوا...