Itni Muddat Baad Mile Ho

Itni muddat baad mile ho,
Kin sochon mein gum phirte ho..

Itne khaaif kyun rahte ho,
Har aahat se darr jaate ho..

Tez hawa ne mujh se poochha,
Ret pe kya likhte rahte ho..

Kaash koi hum se bhi poochhe,
Raat gaye tak kyun jaage ho..

Mein dariya se bhi darta hun,
Tum dariya se bhi gahre ho..

Kaun si baat hai tum mein aisi,
Itne achchhe kyun lagte ho..

Peechhe mud kar kyun dekha tha,
Patthar ban kar kya takte ho..

Jao jeet ka jashn manao,
Mein jhootha hun tum sachche ho..

Apne shahar ke sab logon se,
Meri khaatir kyun uljhe ho..

Kahne ko rahte ho dil mein,
Phir bhi kitne door khade ho..

Raat humein kuchh yaad nahin tha,
Raat bahut hi yaad aaye ho..

Hum se na poochho hijr ke qisse,
Apni kaho ab tum kaise ho..

'Mohsin' tum badnaam bahut ho,
Jaise ho phir bhi achchhe ho.!!

"Mohsin Naqwi"
____________________

اتنی مدت بعد ملے ہو
کن سوچوں میں گم پھرتے ہو..

اتنے خائف کیوں رہتے ہو
ہر آہٹ سے ڈر جاتے ہو..

تیز ہوا نے مجھ سے پوچھا
ریت پہ کیا لکھتے رہتے ہو..

کاش کوئی ہم سے بھی پوچھے
رات گئے تک کیوں جاگے ہو..

میں دریا سے بھی ڈرتا ہوں
تم دریا سے بھی گہرے ہو..

کون سی بات ہے تم میں ایسی
اتنے اچھے کیوں لگتے ہو..

پیچھے مڑ کر کیوں دیکھا تھا
پتھر بن کر کیا تکتے ہو..

جاؤ جیت کا جشن مناؤ
میں جھوٹا ہوں تم سچے ہو..

اپنے شہر کے سب لوگوں سے
میری خاطر کیوں الجھے ہو..

کہنے کو رہتے ہو دل میں
پھر بھی کتنے دور کھڑے ہو..

رات ہمیں کچھ یاد نہیں تھا
رات بہت ہی یاد آئے ہو..

ہم سے نہ پوچھو ہجر کے قصے
اپنی کہو اب تم کیسے ہو..

محسنؔ تم بدنام بہت ہو
جیسے ہو پھر بھی اچھے ہو..