Hum Jo Pahunche Sar-e-maqtal To Ye Manzar Dekha

Hum jo pahunche sar-e-maqtal to ye manzar dekha,
Sab se ooncha tha jo sar nok-e-sinaa'n par dekha...

Hum se mat poochh ke kab chaand ubharta hai yahaan,
Hum ne suraj bhi tere shahr mein aa kar dekha...

Aise lipte hain dar-o-baam se ab ke jaise,
Haadson ne badi muddat mein mera ghar dekha...

Ab ye socha hai ke auron ka kaha maanenge,
Apni aankhon pe bharosa to bahut kar dekha...

Ek ek pal mein utarta raha sadiyon ka azaab,
Hijr ki raat guzaari hai ke mahshar dekha... 

Mujh se mat poochh meri tishna-labi ke tewar,
Ret chamki to ye samjho ke samandar dekha...

Dukh hi aisa tha ke 'Mohsin' hua gum-sum warna,
Ghum chhupa kar use hanste hue aksar dekha.!!

"Mohsin Naqwi"
____________________

ہم جو پہنچے سر مقتل تو یہ منظر دیکھا
سب سے اونچا تھا جو سر نوک سناں پر دیکھا..

ہم سے مت پوچھ کہ کب چاند ابھرتا ہے یہاں
ہم نے سورج بھی ترے شہر میں آ کر دیکھا..

ایسے لپٹے ہیں در و بام سے اب کے جیسے
حادثوں نے بڑی مدت میں مرا گھر دیکھا..

اب یہ سوچا ہے کہ اوروں کا کہا مانیں گے
اپنی آنکھوں پہ بھروسا تو بہت کر دیکھا..

ایک اک پل میں اترتا رہا صدیوں کا عذاب
ہجر کی رات گزاری ہے کہ محشر دیکھا..

مجھ سے مت پوچھ مری تشنہ لبی کے تیور
ریت چمکی تو یہ سمجھو کہ سمندر دیکھا..

دکھ ہی ایسا تھا کہ محسنؔ ہوا گم سم ورنہ
غم چھپا کر اسے ہنستے ہوئے اکثر دیکھا..