Haweliyon mein meri tarbiyat nahin hoti,
To aaj sar pe tapakne ko chhat nahin hoti...
Humare ghar ka pata poochhne se kya haasil,
Udaasiyon ki koi shahriyat nahin hoti...
Charaagh ghar ka ho mahfil ka ho ke mandir ka,
Hawa ke paas koi maslahat nahin hoti...
Humein jo khud mein simatne ka fan nahin aata,
To aaj aisi teri saltanat nahin hoti...
'Waseem' shahr mein sachchaiyon ke lab hote,
To aaj khabro'n mein sab khairiyat nahin hoti.!!
"Waseem Barelwi"
No comments:
Post a Comment